A vegaes, determinaes dificultaes, que quiciabis paecen insuperables pal neñu, puen facese frente per aciu los xuegos, siempres que s’aborden al so mou y plantegando d’ún nún los aspeutos del problema.
Los celos pola nacencia d’un nuevu hermanu, por exemplu, ye un tipu común de conflictu, que suel apaecer mazcaritáu nos xuegos como reaición a procesos internos que’l mesmu neñu desconoz, pero que-y aidarán a aceutar esa realidá, al representase’l problema d’una forma nueva y prestosa pa elli, como cuando trata al so muñecu del mesmu mou que quier ser tratáu o cuando reaiciona nel so xuegu como quedría facelo na realidá.
Nel xuegu dase una adautación ente lo imaxinable (too ye posible) y lo permitío (riegles de conducta), na que’l neñu tien tiempu de deprender lo que ye fautible y correutu mientres permite una salida airosa a los sos impulsos.
Fonte: Ministerio de Educación y Cultura Español
